Artikuj mjekësor

Variçet(Venat Varikoze), diagnostikimi dhe trajtimi i tyre

Ҫfarë janë Variçet?

Variçet (Venat Varikoze Primare) janë zgjerime të qëndrueshme dhe të përdredhura të venave sipërfaqësore të gjymtyrëve të poshtme, kryesisht të dy venave safeniene. 

Cilat janë shkaqet kryesore për shfaqjen e tyre?

Shkaqet kryesore në shfaqjen e tyre janë: trashëgimia, shtatzënitë, obeziteti, profesionet me qëndrime të zgjatura në këmbë ose ulur palëvizur, traumat e ndryshme, menopauza, mosha e avancuar, dëmtimi i venave të baçinit nga shkaqe të ndryshme, etj.

Këto shkaqe çojnë në dëmtimin e murit të venave safeniene dhe të valvulave të tyre, duke bërë që gjaku venoz të mos kthehet normalisht nga poshtë – lart kur njeriu është në pozicion në këmbë ose ulur me këmbët varur.

Zgjerimi i këtyre venave vazhdon ngadalë, gradualisht e ”në qetësi”, duke dëmtuar dhe duke zgjeruar degët e tyre, derisa krijohen paketat varikoze masive.

 

Cilat janë ankesat më të shpeshta?

Në varësi të stadit të zhvillimit dhe të ndjeshmërisë dhe kujdesit personal të pacientit, ankesat më të shpeshta janë:

  • Ndjenjë rëndese dhe dhimbje djegëse në pulpë, sidomos në fund të ditës së punës,
  • Kruarje e lëkurës në zonat e paketavevarikoze,
  • Ekzema,
  • Mbingjyrosje dhe fortësi m i lëkurës,
  • Kapilarë në formë merimange,
  • Këmbë gjithmonë të lodhura shoqëruar me krampetëmuskujve.

Te gratë, ankesat shtohen gjatë ditëve të ciklit.

 

Cilat janë ndërlikimet që hasen?

Në faza shumë të avancuara ndodhin tre lloj ndërlikimesh të rrezikshme :

  1. Tromboza e variçeve (tromboflebitisuperficial) që mund të shkaktojë trombozë në venat e thella dhe në mushkëri;
  2. Ҫarja e lëkurës, nga hollimi maksimal i saj, që shkakton hemorragji masive;
  3. Ulçera që nuk mbyllen, sidomos përreth kyçit të këmbës, duke e kthyer pacientin në gjysëm-invalid.

Që të evitojmë ndërlikime të tilla, duhet që çdo person të konsultohet tek mjeku i familjes dhe tek mjeku specialist sapo shikonsh faqjen e variçeve.

Më pas, për një diagnozë të saktë, rekomandohet kryerja e një echo doppler të venave të këmbëve dhe konsultë për mënyrën e trajtmit me  mjekun kirurg të enëve të gjakut (kirurgu vaskular).

 

Si i trajtojmë variçet?

Për trajtimin e tyre sot aplikohen 4 (katër)metoda të cilat trajtojnë në mënyrë të ndryshme vetëm pjesën e venës kryesore nga rrëza e kofshës deri në gju.

 

Metodat e trajtimit janë:

  1. Heqja me sondë (stripper) nëpërmjet një prerje 3-4 cm në rrëzë të kofshës;
  2. Tharja e venës me shkumë;
  3. Djegia e venës me rreze lazer;
  4. Djegia e venës me radiofrekuencë.

Paketat varikoze në kërci trajtohen  njësoj për çdo metodë, me heqje nëpërmjet prerjeve të vogla (flebektomi).

Sa më e madhe të jetë vena kryesore, aq më shumë rekomandohet heqja me sondë.

 

Dr. Sokol Xhepa

Mjek Kirurg

Departamenti i Sëmundjeve të Enëve të Gjakut

Spitali Hygeia Tiranë

Tel: + 355 4 23 90 000

Spitali Hygeia Tiranë

SPITALI HYGEIA TIRANЁ është spital privat i nivelit ndërkombëtar me një investim fillestar prej 60 milion euro, duke qenë i vetmi spital në Shqipëri i konceptuar që në fillesat e tij si strukturë spitalore, si nga pikëpamja strukturore ashtu edhe nga ajo funksionale. 

Lexo me shumë...

Newsletter

Abonohu per te mare njoftimet tona me email:

Si të arrini në Hygeia

Kontakte

Spitali Hygeia Tiranë:
Sekretaria: + 355 4 23 90 000
Urgjenca: + 355 4 23 23 000
Email: info@hygeia.al