Hygeia Hospital Tirane, Author at Spitali Hygeia Tiranë

Klinika Dermo-Estetike Anassa

Anassa inaguron ambientet e reja moderne & teknologjinë bashkëkohore

Në datë 4 Shkurt 2019, në ambientet e Spitalit Hygeia u organizua Ceremonia e inagurimit të ambienteve të reja dhe super moderne të Klinikës dermo-estetike Anassa, ambjente këto të rikonceptuara për të ofruar të gjitha llojet e trajtimeve dermo-estetike me aparatura dhe teknologjinë më bashkëkohore në treg.

Drejtori Ekzekutiv i Spitalit Hygeia, Z.Mario Karaj, në fjalën e tij të hapjes nënvizoi faktin se: Klinikës dermo-estetike Anassa i është dedikuar një investim mjaft i konsiderueshëm nga spitali Hygeia si nga pikëpamja e teknologjisë dhe aparaturave bashkëkohore, duke i vënë në dispozicion një hapësirë prej 300 m2, kjo për t’i ardhur sa më pranë kërkesave që ka tregu i trajtimeve estetike dhe atyre të bukurisë. Synimi ynë është është që Klinika Anassa të kthehet në një qendër referimi për trajtimet dermo-estetike jo vetëm për Shqipërinë por edhe në Rajon.

Bashkëpunimi me mjekë kirurgë estetikë me emër, profesionistë dhe me shumë eksperiencë, është një tjetër hap i rëndësishëm i ndërmarrë nga kjo Klinikë, kjo për t’ju oftuar pacientëve të kësaj Klinike kahas trajtimeve dermo-estetike bashkëkohore edhe të gjithë gamën e ndërhyrjeve plastike & rikonstruktive – tha në fjalën e saj, Menaxherja e Klinikës Anassa, znj.Rezalda Shehi.

Klinika Anassa tashmë vendos një standart të ri në fushën e trajtimeve të bukurisë, ku cilësia, siguria dhe ofrimi i trajtimeve të personalizuara konform standardeve ndërkombëtare janë vula e garancisë për çdo pacient.

SPITALI HYGEIA OFRON NDIHMË MJEKЁSORE ERSIONIT TË VOGËL

By Hygeia Hospital Tirane - Përgjegjësia Sociale

Në 1 Dhjetor, 2015, Spitali Hygeia Tiranë ju përgjigj thirrjes për ndihmë të bërë nga familja e një fëmije të vogël 3-vjeçar, Ersioni, i cili kishte lindur me një malformacion të rrallë te quajtur labio-palatos. Prindërit e Ersionit jetonin në kushte shumë të vështira ekonomike dhe për këtë arsye e kishin të pamundur të përballonin shpenzimet e ndërhyrjes kirurgjikale për djalin e tyre, për këtë arsye Spitali Hygeia mori përsipër të gjitha shpenzimet e ndërhyrjes kirurgjikale dhe hospitalizimit.

Ndërhyrja përfundoi me sukses, por ndërkohë deri në rekuperimin e plotë të tij Ersioni ka një rrugë të gjatë përpara dhe ndërhyrje të tjera do pasojnë të parën, rrugëtim i cili do të suportohet nga stafi i mjekëve ORL të Spitalit Hygeia.

5 Maj, Dita Botërore e Higjenës së Duarve

By Hygeia Hospital Tirane - Përgjegjësia Sociale

5 Maji është shpallur nga Organizata Botërore e Shëndetësisë (OBSH) si Dita Botërore e Higjenës së Duarve dhe kjo ditë në të gjithë botën i kushtohet rritjes së ndërgjegjësimit të pacientëve dhe familjarëve të tyre për t’u bashkuar me punonjësit e shëndetësise në përpjekjet e tyre për të praktikuar dhe ruajtur higjienën e mirë të duarve.

Në këtë ditë, edhe Drejtoria Infermierore e Spitalit Hygeia nën kujdesin e Drejtores Znj.Panoraia Rammou, si çdo vit, së bashku me të gjithë infermierët dhe mamitë, në kuadër sensibilizimi mbi rëndësinë që ka higjena e duarve, u angazhuan në shpërndarjen e materialeve informuese për të gjithë pacientët dhe familjarët e tyre, duke i informuar mbi rëndësinë që ka larja e duarve për t’u ruajtur nga infeksione apo sëmundje të ndryshme. Kjo iniciativë u zhvillua nën moton “Parandalimi i Infeksioneve arrihet nëpërmjet higjenës së mirë të duarve” dhe u mirëprit mjaft mirë nga pacientët dhe familjarët e tyre duke u bërë pjesë aktive e kësaj nisme si dhe duke falenderuar personelin infermieror të spitalit për demonstrimin dhe informacionet e dhëna.

Spitali Hygeia Tiranë rinovon Memorandumin e Mirëkuptimit me Fondacionin “Down Syndrome Albania”

By Hygeia Hospital Tirane - Përgjegjësia Sociale

Në datë 25 prill 2017, Drejtorja Ekzekutive e Spitalit Hygeia Tiranë, Znj.Maria Driva, nenshkroi në prani të përfaqësues së Fondacionit Doën Syndrome Albania, Znj.Emanuela Peploka Zaimi, rinovimin e Memorandumit të Mirëkutimit për një periudhë 2-vjecare midis dy Institucioneve. Edhe një herë Spitali Hygeia Tiranë konfirmon përkrahjen e vazhdueshme që jep për të qenë gjithmonë pranë kategorive të personave me aftësi të vecanta dhe shtresave të shoqërisë në nevojë.

Me nënshkrimin e këtij Memorandumi Mirëkuptimi Spitali Hygeia Tiranë do të vazhdojë në angazhimin e të gjithë strukturave të saj spitalore duke ofruar për këtë kategori fëmijësh, të cilët janë edhe anëtarë të këtij Fondacioni, vizita mjekësore falas dhe 30% zbritje për të gjitha shërbimet e tjera mjekësore që ata mund të kenë nevojë. Misioni ynë në ndihmë dhe përkrahje të shtresave vulnerabël të shoqërisë vazhdon.

SPITALI HYGEIA GJITHMONË PRANË FËMIJËVE NË NEVOJË

By Hygeia Hospital Tirane - Përgjegjësia Sociale

Spitali Hygeia Tiranë ka qenë dhe vazhdon të jetë një ndër Institucionet e vetme që ka lidhur kontrata me Institucionet apo Shoqatat të cilat kujdesen për fëmijët jetimë apo të braktisur nga familjet e tyre, ndër të cilat është edhe Institucioni SOS Fshatrat e Fëmijve Shqipëri.

Në vijim të përkujdesjeve mjekësore që Hygeia ka ofruar për fëmijët që jetojnë në Fshatin SOS, edhe këtë rradhë stafi drejtues i Spitalit Hygeia ju përgjigj menjëherë kërkesës së bërë nga përfaqësuesit e këtij Institucioni, dhe përkatësisht duke marrë përsipër shpenzimet e kryerjes së ndërhryje kirurgjikale “Adenoidektomi” për një nga fëmijët e këtij Institucioni.

Në datë 18 Prill, ndërhyrja u realizua me sukses nga ekipi i mjekëve kirurgë ORL të këtij Departamenti dhe tashmë vajza gëzon shëndet të plotë.

Stafi drejtues I SOS Fshatrat e Fëmijëve, në shenjë mirënjohje dhe falenderimi për këtë mbështetje të vazhdueshme që Spitali Hygeia jep, dërguan edhe një letër falenderimi, Drejtores Ekzekutive të Spitalit Hygeia Tiranë Znj.Maria Driva, për kontributin dhe gadishmërinë e treguar duke ofruar ndihme mjekesore per femijet e Fshatrave SOS.