Çfarë duhet të dini mbi procesin e ngrirjes së vezëve

• Çfarë është?

Ngrirja e vezëve është një proces nëpërmjet të cilit vezët e pacientes ngrihen përmes metodës së vetrifikimit, duke i lejuar të planifikojë shtatzëninë në një moment të dytë, kur vetë pacientja e konsideron të përshtatshme. Norma e suksesit të procedurës ndryshon në varësi të moshës së pacientes, pra, sa më parë të kryhet ngrirja e vezëve, aq më e lartë është shkalla e suksesit.

• Cila është kategoria e pacienteve të cilat duhet të marrin në konsiderratë ngrirjen e vezëve?

Procesi i ngrirjes së vezëve ka ekzistuar edhe dekada më parë por aplikohej te pacientet të cilat kishin probleme të infertilitetit kryesisht për arsye gjenetike apo pranisë së patologjive onkologjike.

Në një kohë kur stili i jetesës ka ndryshuar ndjeshëm, procedura tashmë gjen aplikim te të gjitha pacientet të cilat për arsye të ndryshme nuk dëshirojnë të planifikojnë shtatzëni në kohë të afërt.

• Cilat janë ekzaminimet që duhet të kryejë çdo paciente para procedurës?

Fillimisht, cdo paciente e cila ka vendosur t’i nënshtrohet ngrirjes së vezëve, kryen një konsultë me mjekët specialistë të fertilitetit të cilët më pas do të rekomandojnë kryerjen e një sërë ekzaminimeve për të vlerësuar nëse pacientja mundet ose jo t’i nënshtrohet këtij procesi.

• Kështu, fillimisht për çdo paciente rekomandohet testimi për sëmundjet infektive.
• Më pas, mjekët rekomandojnë kryerjen e analizave të nevojshme për të përcaktuar nivelet hormonale.
• Së fundmi, është e rëndësishme edhe kryerja e një ekografie me qëllim vlerësimin e potencialit vezorial (aftësisë së vezoreve për të prodhuar vezë).
• Ku konsiston ky proces?

Në rastet kur përgjigjet e ekzaminimeve të mësipërme lejojnë vijimin e procesit të ngrirjes së vezëve, etapat që do të ndiqen nga mjekët specialistë janë:

• Fillimisht pacientjes i rekomandohet kryerja e injeksioneve hormonale për të stimuluar prodhimin e vezëve, etapë kjo e cila zgjat përafërsisht dy javë.
• Ky proces do të monitorohet në cdo etapë të tij nga mjeku specialist i cili do të kryejë ekzaminimet me ekografi çdo 4 ditë të procesit deri në kohën e marrjes së vezëve.
• Në fund të këtij procesi mjeku specialist do të kryejë aspirimin e vezëve të pacientes(oocyte pick up) të cilat kalojnë menjëherë në procesin e vlerësimit nga mjeku embriolog dhe më tej ngrirjes për një kohë të pacaktuar(sipas dëshirës së pacientes) në azot të lëngshëm.

• Sa vezë rekomandohet të merren?

Për të rritur shanset e një shtatzënie të suksesshme në të ardhmen, nevojitet të aspirohen(pick up) 15 ose edhe më tepër vezë. Nëse mjekët nuk arrijnë të marrin vezë në sasi të mjaftueshme, për pacienten është e nevojshme përsëritja e procedurës.

• A shoqërohet me dhimbje procedura e aspirimit të vezëve?

Procedura e aspirimit të vezëve kryhet nën efektin e sedacionit prandaj pacientja nuk do të ndjejë asnjë lloj diskomforti dhe pacientja mund t’i rikthehet aktiviteteve ditore 2 orë pas procedurës.

• Si mund të arrihet shtatzënia nga vezët e ngrira?

Në momentin që pacientja ka vendosur të kalojë në etapën tjetër, pra, konceptimin e një shtatzënie, fillimisht vijohet me shkrirjen e vezëve të cilat më pas mund të fekondohen nga sperma e partnerit të pacientes ose nga një dhurues përmes procedurës IVF (fekondimi in vitro) ose ICSI (injeksion intra-citoplazmatik). Tre ose pesë pas kryerjes së fertilizimit, embrionet e përftuara nga vezët e ngrira do të transferohen në mitrën e pacientes që nënkupton edhe fillimin e shtatzënisë.

Klinika e Fertilitetit Hygeia

Kontaktoni: 04 23 88 918

Vera ka ardhur dhe bashkë me të edhe theksimi i rrudhave të mimikës dhe djersitja e shtuar. Ndërkohë që bisedoj me pacientët në zyrën time, shoh çdo lëvizje të mimikës së tyre dhe ndërkohë që dëgjoj me vëmendje e di me saktësi zonën ku duhet të injektojë dhe sasinë e nevojshme, në mënyrë që rezultati të jetë sa me natyral dhe të parandalojë thellimin e rrudhave ekzistuese dhe shfaqjen e rrudhave të reja. Edhe pse trajtimi me botox mund të kryhet përgjatë gjithë vitit, në këtë stinë ai merr një rëndësi të veçantë sepse është gjithmonë më mirë të parandalojmë se sa të kurojmë!

Por çfarë është botoksi?

Botulinum toxin (botox) është një protein neurotoksike e prodhuar nga bakteri clostridium botulinum dhe injektohet në muskul me qëllim bllokimin e transmetimit të sinjalit që vjen nga nervi duke relaksuar përkohësisht muskulin përkatës dhe rrjedhimisht zbehjen ose zhdukjen e rrudhave. Proçedura zgjat pak minuta dhe rezultati është i dukshëm pas ditës së tretë të injektimit. Efektet e botoksit janë të qëndrueshme për rreth 4-6 muaj pas trajtimit kjo në varësi të zonës ku injektohet.

Por nëse qëllimi është të parandalojmë, kur është momenti i përshtatshëm për të nisur trajtimin me botoks?

Nëse ju vini re formimin e rrudhave të lehta në ball, rreth syve ose në mes te vetullave edhe në gjendje qetësie, ky mund të jetë momenti i përshtatshëm për të nisur trajtimin me botox në mënyrë që të mos i lejojmë keto rrudha të thellohen më shumë. Botoksi është ë aprovuar nga FDA për trajtimin e pacientëve të moshës mbi 18 vjec. Megjithatë një tjetër faktor përcaktues në lidhje me kohën e fillimit të trajtimit me botox është edhe predispozita gjenetike dhe ekspozimi për një kohë të gjatë dhe të pambrojtur ndaj rrezatimit diellor.

Çfarë mund të trajtojë botoksi?

Në ditët e sotme, botoksi përdoret jo vetëm për qëllime estetike, por edhe për trajtimin e një sërë sëmundjesh për të cilat nuk e imagjinonim kurrë se mund të gjente përdorim. Ndër to mund të përmendim migrenën, djersitjen e shtuar, strabizmin, blefarospazmën, distoninë cervikale, vezikën urinare hiperaktive simptomat e së cilave tashmë mund të trajtohen me botoks.

Më poshte po ndalem tek përdorimet më të shpeshta të botoksit që gjejnë aplikim edhe në kliniken Anassa.

*Trajtim antirrudhë

Trajtimi i rrudhave të mimikës me botoks është një nga procedurat kozmetike që gjen aplikim gjerësisht edhe në rang global. Edhe pse më pare fjala ″botox″ personifikohej me një pamje të ngrirë, me mungesë të shprehisë, sot përdorur në doza të vogla dhe injektuar në zonën e targetuar, botoksi na mundëson një pamje më të re dhe më të freskët, por absolutisht jo ″të ngrirë″. Me anë të tij mund të trajtojmë rrudhat dinamike rreth syve, në ball, në mes te vetullave, rrudhat vertikale mbi buzen e sipërme (smoker lines), rrudhat mes hundës dhe syve (bunny lines), po ashtu mund të korrigjojmë ekspozimin e gingivave gjatë buzëqeshjes (gummy smile), si dhe është mjaft efektiv për ngritjen e vetullave dhe cepave të buzëve apo zhdukjen e vrimave të mjekrës (dimpled chin).

″Baby botox″ është një ndër trajtimet e preferuara së fundmi, pasi duke përdorur doza më të vogla të botoksit, rezultati është më natyral, por kandidatët e përshtatshëm për këtë proçedurë duhen “zgjedhur” me kujdes referuar një sërë faktorëve të tillë si mosha, lokalizimi dhe thellesia e rrudhave.

*Trajtim rigjenerues (Glowtox)

Kombinimi i botoksit në doza të vogla me produkte të tjera si acidi hialuronik, PRP, vitamina, acide në formën e një koktejli të personalizuar dhe injektimi i tyre në të gjithë fytyrën me anë të Gold 24K stamp on microneedling është një nga trajtimet më efikase për zvogëlimin e poreve, zbehjen e njollave, duke i dhënë lëkurës elasticitet shkëlqim dhe vitalitet. Nëpërmjet disa mikrogjilpërave të përbëra prej 24K flori, krijohen disa mikrotunele në lëkurë nëpërmjet të cilave arrijnë të penetrojneë substancat e mësipërme duke nxitur prodhimin e kolagjenit dhe elastinës. Proçedura është mjaft e shpejtë, efektive, pa dhimbje dhe mbi të gjitha mund të përdoret edhe në lëkurat më sensitive si psh ato kuperoze.

*Trajton djersitjen e shtuar (hyperhidrosis)

Djersitja është një process fiziologjik mjaft normal, madje esencial për organizmin përmes së cilit arrihet të rregullohet temperatura trupore. Por në disa persona djersitja është mjaft e shtuar duke kushtëzuar kështu cilësinë e tyre të jetesës sociale dhe duke rezultuar në distancimin social të kësja kategorie. Nëpërmjet injektimit të botulinum toxin, bllokohen sinjalet e nervave përgjëgjes për djersitjen duke bllokuar prodhimin e shtuar të djersës nga gjendrat përgjegjëse. Botoksi është padyshim një trajtim revolucionar në trajtimin e hyperhidrozës duke përmirësuar ndjeshëm cilësinë e jetesës së këtyre pacienteve!

A ka efekte anesore?

Potenciali i botoksit është i pamatshëm, por jo pa risqe! I adminimstruar në doza të vogla dhe nga profesionistë të liçensuar ai është mjaft i sigurtë. Megjithatë në rastet kur administrimi i produktit aplikohet nga jo profesionistë apo në rastet kur nuk resktohen këshillat e mjekut që duhet të ndiqen nga pacientët pas trajtimit, mund të shfaqen disa efekte anësore të tilla si migrimi i botoksit në zona të tjera të trupit, dobësimi i muskulaturës, rënie e qepallave apo turbullim i shikimit.

Dr.Dorina Hajro

Mjeke Dermatologe-Venerologe

Klinika Anassa