5 Maji është shpallur nga Organizata Botërore e Shëndetësisë (OBSH) si Dita Botërore e Higjenës së Duarve dhe kjo ditë në të gjithë botën i kushtohet rritjes së ndërgjegjësimit të pacientëve dhe familjarëve të tyre për t’u bashkuar me punonjësit e shëndetësise në përpjekjet e tyre për të praktikuar dhe ruajtur higjienën e mirë të duarve.

Në këtë ditë, edhe Drejtoria Infermierore e Spitalit Hygeia nën kujdesin e Drejtores Znj.Panoraia Rammou, si çdo vit, së bashku me të gjithë infermierët dhe mamitë, në kuadër sensibilizimi mbi rëndësinë që ka higjena e duarve, u angazhuan në shpërndarjen e materialeve informuese për të gjithë pacientët dhe familjarët e tyre, duke i informuar mbi rëndësinë që ka larja e duarve për t’u ruajtur nga infeksione apo sëmundje të ndryshme. Kjo iniciativë u zhvillua nën moton “Parandalimi i Infeksioneve arrihet nëpërmjet higjenës së mirë të duarve” dhe u mirëprit mjaft mirë nga pacientët dhe familjarët e tyre duke u bërë pjesë aktive e kësaj nisme si dhe duke falenderuar personelin infermieror të spitalit për demonstrimin dhe informacionet e dhëna.

Në datë 25 prill 2017, Drejtorja Ekzekutive e Spitalit Hygeia Tiranë, Znj.Maria Driva, nenshkroi në prani të përfaqësues së Fondacionit Doën Syndrome Albania, Znj.Emanuela Peploka Zaimi, rinovimin e Memorandumit të Mirëkutimit për një periudhë 2-vjecare midis dy Institucioneve. Edhe një herë Spitali Hygeia Tiranë konfirmon përkrahjen e vazhdueshme që jep për të qenë gjithmonë pranë kategorive të personave me aftësi të vecanta dhe shtresave të shoqërisë në nevojë.

Me nënshkrimin e këtij Memorandumi Mirëkuptimi Spitali Hygeia Tiranë do të vazhdojë në angazhimin e të gjithë strukturave të saj spitalore duke ofruar për këtë kategori fëmijësh, të cilët janë edhe anëtarë të këtij Fondacioni, vizita mjekësore falas dhe 30% zbritje për të gjitha shërbimet e tjera mjekësore që ata mund të kenë nevojë. Misioni ynë në ndihmë dhe përkrahje të shtresave vulnerabël të shoqërisë vazhdon.

Spitali Hygeia Tiranë ka qenë dhe vazhdon të jetë një ndër Institucionet e vetme që ka lidhur kontrata me Institucionet apo Shoqatat të cilat kujdesen për fëmijët jetimë apo të braktisur nga familjet e tyre, ndër të cilat është edhe Institucioni SOS Fshatrat e Fëmijve Shqipëri.

Në vijim të përkujdesjeve mjekësore që Hygeia ka ofruar për fëmijët që jetojnë në Fshatin SOS, edhe këtë rradhë stafi drejtues i Spitalit Hygeia ju përgjigj menjëherë kërkesës së bërë nga përfaqësuesit e këtij Institucioni, dhe përkatësisht duke marrë përsipër shpenzimet e kryerjes së ndërhryje kirurgjikale “Adenoidektomi” për një nga fëmijët e këtij Institucioni.

Në datë 18 Prill, ndërhyrja u realizua me sukses nga ekipi i mjekëve kirurgë ORL të këtij Departamenti dhe tashmë vajza gëzon shëndet të plotë.

Stafi drejtues I SOS Fshatrat e Fëmijëve, në shenjë mirënjohje dhe falenderimi për këtë mbështetje të vazhdueshme që Spitali Hygeia jep, dërguan edhe një letër falenderimi, Drejtores Ekzekutive të Spitalit Hygeia Tiranë Znj.Maria Driva, për kontributin dhe gadishmërinë e treguar duke ofruar ndihme mjekesore per femijet e Fshatrave SOS.

Me rastin e 8 Marsit, ditës Ndërkombëtare të Gruas, Spitali Hygeia Tiranë ofroi për një javë rresht, prej datës 6-10 Mars, dy paketa me çmime preferenciale të dedikuar femrës dhe shëndetit të tyre dhe përkatësisht një Paketë Kontrolli Gjinekologjik dhe një Paketë me shërbime dentare “Paketa e buzëqeshjes”.

Po kështu në kuadër të kësaj feste, në datë 8 mars Spitali ofroi falas vizitën e Mjekut mastolog, pra për të gjitha ato gra që në datë 8 mars kërkonin të kryenin Kontrollin e gjirit përfituan falas konsultën me mjekun specialist.

Ndërkohë një surprizë e këndshme ishte menduar nga Administrata e Spitalit për këtë ditë të shënuar për të gjitha pacientet femra që ishin të hospitalizuara në Spitalin Hygeia Tiranë në datë 8 mars. Në mëngjes, në të gjitha dhomat ku kishte paciente femra, stafi infemieror i Spitalit ju dhuroi nga një trëndafil të kuq i cili shoqërohej edhe me urimin për Festën. Ky xhest dhuroi buzëqeshje dhe mirënjohje nga ana e pacienteve tona, të cilat falenderuan përzemërsisht spitalin për këtë gjest kaq të bukur, duke shprehur njëkohësisht edhe mirënjohjen për faktin që përpos shërbimit mjekësor dhe kujdesit të treguar në çdo hallkë të shërbimit, stafi I spitalit kishte menduar që në këtë ditë feste, edhe ato të ishin pjesë e këtyre festimeve, dukebërë ditën edhe më të bukur.