Në 4 mars, 2017, Spitali Hygeia Tiranë ishtë një ndër mbështetësit e eventit të organizuar me rastin e 8 Marsit, Konferenca e Gruas “ Të lulëzosh fuqishëm” organizuar nga Fondacioni “Jeta e RE & MOPS Albania (nënat e parashkollorëve).

Në këtë Event morën pjesë rreht 234 gra, një pjesë e mirë e të cilave ishin nëna beqare dhe që jetonin në kushte të vështira ekonomike. Konferenca kishte si qëllim kryesor edukimin e pjesëmarrësve nëpërmjet ofrimit të informacioneve të nevojshme nga lektorë ndërkombëtarë dhe vendas, mbi prindërimin, si të kemi një familje dhe martesë të shëndoshë, si të rrisim sa më mirë fëmijët, etj.

Për pjesëmarrëset e këtij Eventi, dhe përkatësisht atyre që i përkisnin kategorisë së grave në nevojë, Spitali Hygeia Tiranë ju dhuroi kupona me Mamografi falas dhe mbuloi shpenzimet e akomodimit dhe udhëtimit për 10 prej tyre.

Përfaqësues të Spitalit Hygeia Tiranë ofruan, në zbatim të vendimit të marrë nga Bordi Drejtues i Spitalit Hygeia Tiranë për të dhuruar, në nder të kujtimit të themeluesit të Marfin Group Andreas Vgnenopoulos, ndihma në pajisje mjekësore, pajisje zyre dhe ushqime në vlerën 1.000 euro për të porsalindurit e braktisur të cilët janë nën kujdesin e Organizatës “Programi Djepi i Ëngjëjve”.

Në datë 8 Shkurt, 2017, Spitali Hygeia në bashkëpunim me Qendrën Kombëtare të Transfuzionit të Gjakut, nën Sloganin “Dhuro gjak, Shpëto Jetë”, organizoi Ditën e Dhurimit të Gjakut 2017.

Si çdo vit, edhe këtë vit, Spitali Hygeia ndërmori sërish iniciativën, që të gjithë së bashku të japim kontributin tonë vullnetar në ndihmë të kësaj kauze humanitare, duke dhuruar gjak që është aq i rëndësishëm për pacientët në nevojë. Të gjithë ne, si pjesë përbërëse e një strukture spitalore dhe që përballemi çdo ditë me luftën për jetën, të ndërgjegjshëm mbi rëndësinë e këtij gjesti sa human aq edhe qytetar, më shumë se të gjithë të tjerët, duhet të jemi të parët për të dhënë kontributin dhe shembullin tonë personal për dhurimin vullnetar të gjakut, sepse, një dhurim i thjeshtë shpëton Jetë.

Në Janar 2017, Stafi Administrativ I Fshatrave SOS, të cilët kanë nën kujdestarinë e tyre fëmijë jetimë, kontaktoi Spitalin Hygeia duke i kërkuar ndihmë për një nga fëmijët që ata kanë nën kujdestarinë e tyre, përkatësisht Anjezën 9-vjeçare.

Anjeza kishte disa kohë që vuante nga disa shqetësime të herëpashershme ORL dhe pas një vizite të specializuar mjekësore të kryer nga stafi I mjekëve të Departamentit ORL Hygeia u arrit në konkluzionin që vajza duhej t’I nënshtrohej një ndërhyrje kirurgjikale “Adenotonsilektomi”.

Ndërhyrja kirurgjikale u realizua me sukses nga stafi I mjekëve Otorinolaringologë të Spitalit dhe të gjitha shpenzimet e ndërhyrjes dhe hospitalizimit u mbuluan nga Spitali Hygeia Në shenjë mirënjohje të asistencës mjekësore dhe mbështetjes së vazhdueshme që stafi i Spitalit Hygeia ka dhënë për fëmijët e këtij Institucioni, drejtuesit e Fshatrave SOS dërguan nje letër falenderimi drejtuar Drejtores Ekzekutive të Spitalit Hygeia, Znj. Maria Driva.